நின் செயல் செய்து நிறைவு பெறும் வண்ணம்

 

மண்நசையும் பொன்நசையும் ஒண்ணசையும் ஒன்றிசைய மண்ணசையும்

புண்நசையும் மன்நசைய எண்டிசையும் தன்னிசையே என்றுசெயும்

விண்ணிசையா தென்நசையும் நன்நசையோ புன்நசையோ என்னசெயும்

விண்நசையை என்நசையாய் உண்நசைய கண்ணசையாய் வண்ணசையே

வகை: கலித்துறை

ஓசை: ஏந்திசை செப்பலோசை

பதம் பிரித்து

மண் நசையும் பொன் நசையும் ஒண் நசையும் ஒன்று இசைய மண் அசையும்

புண் நசையும் மன் நசைய எண் திசையும் தன் இசையே என்று செயும்

விண் இசையாது என் நசையும்  -நன் நசையோ புன் நசையோ - என்ன செயும்?

விண் நசையை என் நசையாய் உள் நசைய கண் அசையாய்! வள் நசையே!

உரை

நசை என்றால் விருப்பம்

மண் நசையும் பொன் நசையும் ஒண் நசையும் ஒன்று இசைய மண் அசையும்

மண் மீதான விருப்பமும்

பொன் மீதான விருப்பமும்

(ஒண் = அழகு) அழகு மீதான விருப்பமும்

(இசைய = பொருந்த) ஒன்றாக பொருந்தும்போது

மண் அசையும்

When the desire for land, gold and beauty come together well - the earth is turned over.

புண் நசைஇ மன் நசைய எண் திசையும் தன் இசையே என்று செயும்

புண்ணை விரும்பும் மன்னன் நசைய - வீரத்தழும்பேற்கத் துணியும் மன்னன் விரும்ப

எண் திசையும் - எட்டு திக்குகளிலும்

தன் இசையே என்று செயும் - தன் புகழே பரவுமாறு செய்வான்

The King who loves dangerous challenges, will have his fame spread far and wide, if he so likes

விண் இசையாது என் நசையும்  -நன் நசையோ புன் நசையோ - என்ன செயும்?

விண் இசையாது  - வானவர் விருப்பமில்லையெனில்

என் நசையும் - எந்த ஒரு விழைவும்

நன் நசையோ புன் நசையோ - நல்ல விருப்பமோ கீழ்மையான விழைவோ

என்ன செயும்? - அந்த ஆசை என்ன சாதித்துவிடமுடியும்?

Whether a honourable or base, all desires are inert without Divine Will?

விண் நசையை என் நசையாய் உள் நசைய கண் அசையாய் வள் நசையே

விண் நசையை - தெய்வ சித்தம் எதுவோ

என் நசையாய் - (அதை) என் விருப்பமாக 

உள் நசைய  - என் உள்ளத்தில் ஆத்மார்த்தமாக நான் விரும்ப

கண் அசையாய் - (அருளி, அதற்கு சமிக்ஞையாகக்) கண் அசைக்கமாட்டாயோ

வள் நசையே - (இவ்வுலகத்தின் இயக்கசக்தியாக இருக்கு) மஹா இச்சையே

Glance at me and grant 

Thy Wish as that my heart should truly desire

O Thou who is the
All animating Desire